Transcription
1
Monsegneur, je vous ay escrit par le commissaire Vyard et
2
envoyé votre brevet pour les V m[ille] Lt. Ce jourdhuy, on a commencé
3
à parler des affaires du pays de Daulphiné comme monsieur
4
de Limoges m’a asseuré. Je vous feray aussi tost entendre
5
comme fera aussi monsieur d’Evènes ce que sen resouldra tant
6
pour lestat du pays, que pour les autres articles du cayer.
7
Je me suis trompé en ce que je vous ay escrit cy devant
8
sur les retenus pour le privé conseil car monsieur de
9
Chiverny n’en est pas, ouy monsieur levesque de Paris et
10
celuy d’Auxerre, grand aumosnier. Jespère que monsieur
11
d’Ambrun est de ce nombre, que ne sera pas petit bien
12
audit pays, tant en general quen particulier. Lhomme de
13
monsieur d’Uzès arriva hyer en ceste court. Iay apris
14
quil n’apporte pas grande esperance de paix contre ce
15
que ie vous en ay escrit cy devant et quil ne se faut
16
pas fort fier au semblant que les rebelles peuvent
17
faire d’y vouloir entendre. Jestime que Sobiras sera
18
pourteur de la presente, qui vous pourra dire et laurés
19
peu entendre d’autre gens que le roy se ferme à cela
20
que les companies don[t] sa majesté vous a escrit cy devant
21
passent dans le Contat et le bruict qui a couru que
22
le pape avoit donné ledit Contat à Don Jehan d’Austrie.
23
Je pense que le roy en veut avoir la garde noble
24
ad longos annos advant que cela puisse advenir. On dict
25
qu’à lassemblée de Milliau il y a heu des Espagnolz
26
pour leurs eglises calvinistes. Mais vous estes pour en scavoir
27
plus certaines nouvelles. Cest, monsieur, tout ce que
28
vous aurés de moy pour la presente que ie finiray par mes
29
très humbles recommandations à votre bonne grace, priant
30
Dieu,
31
monsegneur, vous donner très longue et heureuse vie.
32
De Poissy, ce XXIIIe janvier 1574
33
Votre très humble serviteur
34
So de boczosel